តំណាងគណបក្សនយោបាយ និងអ្នកសង្កេតការណ៍ជាង ១៣ម៉ឺននាក់ ចូលរួមសង្កេតការណ៍បោះឆ្នោតឃុំសង្កាត់ ថ្ងៃ៤មិថុនា
ថ្ងៃ សៅរ៏ ទី ៣ ខែ មិថុនា ឆ្នាំ ២០១៧ ម៉ោង ១០:១១
គជប បានប្រកាសថា គណបក្សនយោបាយទាំង ១២ ដែលបានចូលរួមប្រកួតប្រជែងក្នុងការបោះឆ្នោតឃុំសង្កាត់ អាណត្តិទី៤នេះ បានដាក់ពាក្យសុំចុះឈ្មោះភ្នាក់ងារគណបក្សនយោបាយរបស់ខ្លួន សរុបចំនួន ៥៨៦២៧ នាក់។ រីឯចំនួនអ្នកសង្កេតការណ៍ជាតិ និងអន្តរជាតិ សរុប ៧៥០៥៥ នាក់។
ជាមួយគ្នានោះ សម្រាប់ការបោះឆ្នោតឃុំសង្កាត់ នាថ្ងៃទី៤មិថុនា ក៏មានអ្នកកាសែតបានចុះឈ្មោះចូលរួមយកព័ត៌មាន សរុប ៧៨៨ នាក់ ផងដែរ។
ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ នឹងធ្វើឡើង នាថ្ងៃអាទិត្យ ទី៤ ខែមិថុនា ស្អែកនេះ ចាប់ពីម៉ោង ៧ព្រឹក ដល់ម៉ោង ៣ រសៀល មានអ្នកសង្កេតការណ៍ជាតិសរុប ៧៤៦៧១ នាក់ មកពីអង្គការសមាគម ចំនួន ២១ អង្គភាព ដើម្បីចូលរួមសង្កេតមើលដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ នាថ្ងៃស្អែកនេះ។
សេចក្តីប្រកាសរបស់គជប បង្ហាញថា ក្នុងចំណោមអ្នកសង្កេតការណ៍ជាតិ ៧៤៦៧១ នាក់ គឺសហភាពសហព័ន្ធយុវជនកម្ពុជា បានដាក់អ្នកសង្កេតការណ៍ច្រើនជាងគេ រហូតដល់ ៣១៤៣១ នាក់ បន្ទាប់មកគឺសមាគមនារីកម្ពុជាដើម្បីសន្តិភាព និងអភិវឌ្ឍន៍ មានអ្នកសង្កេតការណ៍បោះឆ្នោត ២០៧៩៣ នាក់ រីឯគណៈកម្មាធិការដើម្បីការបោះឆ្នោតដោយសេរី និងយុត្តិធម៌ នៅកម្ពុជា ហៅកាត់ថា Comfrel បានដាក់អ្នកសង្កេតការណ៍ ១៤៥៨០ នាក់។
គជប ក៏បានប្រកាសថា អ្នកសង្កេតការណ៍អន្តរជាតិ ៣៨៤ នាក់ មកពីស្ថានទូត និងអង្គការសមាគមអន្តរជាតិ សរុប ៣៤ អង្គភាព បានចូលរួមសង្កេតមើលដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧។ ក្នុងនោះ ស្ថានទូតអាមេរិក ប្រចាំកម្ពុជា បានដាក់អ្នកសង្កេតការណ៍ច្រើនជាងគេ រហូតដល់ ៩៨ នាក់ បន្ទាប់មកបណ្តាញអាស៊ានសម្រាប់ការបោះឆ្នោតដោយសេរី ហៅកាត់ថា ANFREL មានអ្នកសង្កេតការណ៍ ៥១នាក់ និងស្ថានទូតអូស្ត្រាលី ប្រចាំកម្ពុជា មានអ្នកសង្កេតការណ៍ ២៦ នាក់។
ជាមួយគ្នានោះ គជប ក៏បានអនុញ្ញាតឲ្យអ្នកសារព័ត៌មានជាតិ និងអន្តរជាតិ សរុបចំនួន ៧៨៨ នាក់ មកពីអង្គភាពសារព័ត៌មានជាតិ ចំនួន ៤៧ និងអង្គភាពសារព័ត៌មានអន្តរជាតិ ចំនួន ២៦ ស្ថាប័ន ដើម្បីចូលរួមយកព័ត៌មានក្នុងដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ នាថ្ងៃអាទិត្យ ទី៤មិថុនា ឆ្នាំ២០១៧៕
ជាមួយគ្នានោះ សម្រាប់ការបោះឆ្នោតឃុំសង្កាត់ នាថ្ងៃទី៤មិថុនា ក៏មានអ្នកកាសែតបានចុះឈ្មោះចូលរួមយកព័ត៌មាន សរុប ៧៨៨ នាក់ ផងដែរ។
ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ នឹងធ្វើឡើង នាថ្ងៃអាទិត្យ ទី៤ ខែមិថុនា ស្អែកនេះ ចាប់ពីម៉ោង ៧ព្រឹក ដល់ម៉ោង ៣ រសៀល មានអ្នកសង្កេតការណ៍ជាតិសរុប ៧៤៦៧១ នាក់ មកពីអង្គការសមាគម ចំនួន ២១ អង្គភាព ដើម្បីចូលរួមសង្កេតមើលដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ នាថ្ងៃស្អែកនេះ។
សេចក្តីប្រកាសរបស់គជប បង្ហាញថា ក្នុងចំណោមអ្នកសង្កេតការណ៍ជាតិ ៧៤៦៧១ នាក់ គឺសហភាពសហព័ន្ធយុវជនកម្ពុជា បានដាក់អ្នកសង្កេតការណ៍ច្រើនជាងគេ រហូតដល់ ៣១៤៣១ នាក់ បន្ទាប់មកគឺសមាគមនារីកម្ពុជាដើម្បីសន្តិភាព និងអភិវឌ្ឍន៍ មានអ្នកសង្កេតការណ៍បោះឆ្នោត ២០៧៩៣ នាក់ រីឯគណៈកម្មាធិការដើម្បីការបោះឆ្នោតដោយសេរី និងយុត្តិធម៌ នៅកម្ពុជា ហៅកាត់ថា Comfrel បានដាក់អ្នកសង្កេតការណ៍ ១៤៥៨០ នាក់។
គជប ក៏បានប្រកាសថា អ្នកសង្កេតការណ៍អន្តរជាតិ ៣៨៤ នាក់ មកពីស្ថានទូត និងអង្គការសមាគមអន្តរជាតិ សរុប ៣៤ អង្គភាព បានចូលរួមសង្កេតមើលដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧។ ក្នុងនោះ ស្ថានទូតអាមេរិក ប្រចាំកម្ពុជា បានដាក់អ្នកសង្កេតការណ៍ច្រើនជាងគេ រហូតដល់ ៩៨ នាក់ បន្ទាប់មកបណ្តាញអាស៊ានសម្រាប់ការបោះឆ្នោតដោយសេរី ហៅកាត់ថា ANFREL មានអ្នកសង្កេតការណ៍ ៥១នាក់ និងស្ថានទូតអូស្ត្រាលី ប្រចាំកម្ពុជា មានអ្នកសង្កេតការណ៍ ២៦ នាក់។
ជាមួយគ្នានោះ គជប ក៏បានអនុញ្ញាតឲ្យអ្នកសារព័ត៌មានជាតិ និងអន្តរជាតិ សរុបចំនួន ៧៨៨ នាក់ មកពីអង្គភាពសារព័ត៌មានជាតិ ចំនួន ៤៧ និងអង្គភាពសារព័ត៌មានអន្តរជាតិ ចំនួន ២៦ ស្ថាប័ន ដើម្បីចូលរួមយកព័ត៌មានក្នុងដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ នាថ្ងៃអាទិត្យ ទី៤មិថុនា ឆ្នាំ២០១៧៕
Post a Comment