ថ្ងៃ អង្គារ ទី ៦ ខែ មិថុនា ឆ្នាំ ២០១៧ ម៉ោង ១៤:៤៦
នាវាមុជទឹកពិឃាតអាមេរិក មួយគ្រឿង បានធ្វើដំណើរមកដល់ កំពង់ផែទីក្រុងប៊ូសាន (Busan) ដែលនេះជាការបង្ហាញ សាច់ដុំបន្ថែមទៀត របស់ទីក្រុងវ៉ាស៊ីនតោន ក្រោយមានការគំរាមកំហែង របស់កូរ៉េខាងជើង។ នេះបើតាមការចេញផ្សាយ របស់សារព័ត៌មាន កូរ៉េខាងត្បូង Yonhap។
នាវាមុជទឹក USS Cheyennee ប្រើសំរាប់ការវាយប្រហារ ដែលមានទំងន់ ៦.៩០០ តោន និងដើរដោយថាមពល នុយក្លេអ៊ែរ បាមមកដល់កំពង់ផែ ប៊ូសាន ប្រទេសកូរ៉េខាងត្បូង នៅព្រឹកថ្ងៃអង្គារ៍នេះ។ នាវានេះមានមូលដ្ឋាន នៅកោះ Pearl Harbor របស់រដ្ឋ Hawaii អាមេរិក។
ការសំចតនៅកំពុងផែប៊ូសាន គឺមានគោលបំណង ឲ្យនាវិកទាំងអស់ បានសំរាក និងដាក់បន្ថែម សំភារៈផ្គត់ផ្គង់ ហើយនាវាមុជទឹកដ៍មានអនុភាពនេះ មិនមានគំរោងចូលរួម ធ្វើសមយុទ្ធ ជាមួយនឹងកងនាវា កូរ៉េខាងត្បូងនោះទេ។ នេះបើតាមការបញ្ជាក់ របស់មន្ត្រីអាមេរិក។
ការមកដល់របស់នាវាមុជទឹក ដែលមានប្រវែង ១១០ម៉ែត្រ និងមានបំពាក់មីស៊ីល ដែលអាចបាញ់ បានចំងាយ ៣.១០០ គីឡូម៉ែត្រ ក្រោយពេលមាន ភាពតានតឹង នៅក្នុងតំបន់ ដែលបង្កឡើង ដោយការបាញ់សាកល្បង មីស៊ីលថ្មីៗ របស់ទីក្រុងព្យុងយ៉ាង ហើយការបន្តសាកល្បងមីស៊ីល ឥតឈប់ឈរ របស់កូរ៉េខាងជើងនេះ បណ្តាលឲ្យ អង្គការសហប្រជាជាតិ បានបន្ថែមទ័ណ្ឌកម្មថ្មីនេះ ប្រឆាំងនឹងរដ្ឋផ្តាច់ការនេះ៕
Post a Comment