មូលហេតុដែលធ្វើអោយអ្នកបរាជ័យច្រើនដងក្នុងជីវិត
ថ្ងៃ សុក្រ ទី ២ឥ ខែ ឧសភា ឆ្នាំ ២០១៧ ម៉ោង ១១:១៣
វាជារឿងធម្មតាទេសំរាប់មនុស្សម្នាក់ជួបរឿងបរាជ័យ ប៉ុន្តែបើបរាជ័យច្រើនដងពេកនោះគ្មានអ្នកណានឹងបន្ទោសក្រៅពីខ្លួនយើងនោះទេ ហើយមនុស្សភាគច្រើនមិនបានយល់ពីមូលហេតុនោះទេ បែរជាបន្ទោសវាសនាខ្លួនទៅវិញ។ ការយល់ដឹងមូលហេតុទាំងនេះ អាចជួួយដល់ការអភិវឌ្ឍន៍របស់អ្នក៖
១. អ្នកមិនរៀនពីកំហុសរបស់ខ្លួន
ការរីកចំរើនទៅបានលុះ ត្រាតែយើងផ្ទាល់ហ៊ានទទួលយកកំហុសខ្លួន ហើយអ្នកខ្លះមិនព្រមទទួលយកវាទេ បែរជាបំភ្លេចចោលហើយប្រព្រឹត្តវាដដែលៗ។
២. មិនចាប់ផ្តើមពីកំរិតខ្សោយ
អ្នកខ្លះ អាងតែខ្លួនមានចំណេះដឹងខ្ពស់ បទពិសោធន៍ច្រើន មិនព្រមចាប់ផ្តើមពីចំណុចតូចមុនទេ ចង់ឈោងចាប់យកអាធំតែម្តងនោះ វាធ្វើអោយបាត់មូលដ្ឋានគ្រឹះដ៏សំខាន់មួយ ដែលងាយនឹងធ្វើអោយជាប់ឧបសគ្គនាថ្ងៃមុខ។
៣. ធ្វើការដោយកំលាំងជាជាងដោយបញ្ញា
វាធ្វើអោយយើងងាយចុះ ចាញ់ដោយសារការប្រើកំលាំងប្រាណច្រើនពេកធ្វើអោយងាយហត់ តែបើប្រើបញ្ញាខ្លួណមកធ្វើការវាអាចជួយកាត់បន្ថយបានខ្លះ ។
៤. មិនបានចាប់អារម្មណ៍ពីអ្វីដែលខ្លួនមិនចង់ធ្វើ
អ្នកខ្លះមិនបានគិតលើការងារដែលខ្លួនកំពុងធ្វើ និងអ្វីដែលខ្លួនចូលចិត្ត ព្រោះការធ្វើអ្វីដែលខ្លួនចូលចិត្តងាយនឹងនាំយើងទៅកាន់ភាពជោគជ័យបានលឿន។
៥. ធ្វើអ្វីទាល់តែល្អឥតខ្ចោះ
ល្មមៗមិនព្រមទទួលយកទេ ទាល់តែល្អឥតខ្ចោះប៉ុន្តែត្រូវចាំថាវាល្អឥតខ្ចោះសំរាប់អ្នក តែប្រហែលមិនមែនអ្នកផ្សេងទេ ហើយគ្មានអ្វីដែលល្អឥតខ្ចោះទេ។
៦. ភ្លេចគោលដៅរបស់ខ្លួន
ព្រោះឃើញគេល្អ ជោគជ័យចង់បានដូចគេ ដោយភ្លេចថាខ្លួនធ្វើអ្វីបាន និងចង់បានអ្វីព្រោះការជោគជ័យគឺចេញ ពីការខំពីចិត្តនិងប្រាណដែលធ្វើអោយវាពិសេស។
Post a Comment