(ភ្នំពេញ)៖ លោកឧត្តមសេនីយ៍ឯក ហ៊ុន ម៉ាណែត នាយរងសេនាធិការចម្រុះ នៃកងយោធពលខេមរៈភូមិន្ទនិងជាមេបញ្ជាការរងកងទ័ពជើងគោក សុំឲ្យកងទ័ពស្មោះត្រង់ដាច់ខាតចំពោះរាជរដ្ឋាភិបាលស្របច្បាប់ ចំពោះជាតិ ប្រជាជន និងសូមបន្តមានគោលជំហរស្មារតីនឹងនរក្នុងការថែរក្សាសុខសន្តិភាព ស្ថេរភាពដើម្បីយើងអភិវឌ្ឍប្រទេសឱ្យមានការរីកចម្រើនទៅមុខទៀត។
លោកឧត្តមសេនីយ៍ឯក ហ៊ុន ម៉ាណែត បានបញ្ជាក់ថា កងទ័ពគឺសំខាន់ណាស់ក្នុងការថែរក្សាសុខសន្តិភាព ស្ថេរភាពដែលការថែរក្សាសុខសន្តិភាព ស្ថេរភាពបានធ្វើប្រជាពលរដ្ឋមានសិទ្ធសេរីភាពរស់នៅបានសុខសាន្តមកដល់សព្វថ្ងៃ។បើគ្មានការបំពេញភារកិច្ចរបស់កងទ័ពហើយគ្មានសុខសន្តិភាព ស្ថេរភាពទេនោះ យើងមិនអាចធ្វើនយោបាយនិងមានអ្វីៗដូចសព្វថ្ងៃនេះដែរ។នេះគឺបានមកពីការចូលរួមរបស់កងទ័ពក្នុងការថែរក្សាសុខសន្តិភាព។
ការថ្លែងរបស់លោកឧត្តមសេនីយ៍ឯក ហ៊ុន ម៉ាណែត បានធ្វើឡើងនៅក្នុងពិធីសម្ពោធដាក់ឱ្យប្រើប្រាស់ជាផ្លូវការអគារស្នាក់នៅនិងបញ្ចុះបឋមសិលាសាងសង់អាគារស្នាក់នៅបន្ថែម សម្រាប់នាយទាហាននៅទីបញ្ជាការរដ្ឋានយោធភូមិភាគ៤ (ស្ពានក្អែក) កាលពីព្រឹកថ្ងៃទី១០ ខែមិថុនា ឆ្នាំ២០១៧៕
Post a Comment