ILO៖ ចំណូលប្រចាំខែជាមធ្យមរបស់កម្មករកាត់ដេរ កើនដល់ ១៩៥ ដុល្លារ នៅឆ្នាំ២០១៦
ថ្ងៃ ចន្ទ ទី ២៩ ខែ ឧសភា ឆ្នាំ ២០១៧ ម៉ោង ១៧:០៥
អង្គការអន្តរជាតិខាងការងារ ILO បានប្រកាសថា ចំណូលប្រចាំខែជាមធ្យម ( រួមទាំងប្រាក់ម៉ោងបន្ថែម ) របស់កម្មករកាត់ដេរសំលៀកបំពាក់ និងស្បែកជើងកម្ពុជា បានកើនឡើងពី ១៤៥ ដុល្លារអាមេរិក ក្នុងឆ្នាំ២០១៤ ដល់ ១៧៥ ដុល្លារអាមេរិក ក្នុងឆ្នាំ២០១៥ និងកើនដល់ ១៩៥ ដុល្លារអាមេរិក ក្នុងឆ្នាំ២០១៦។ បើគណនាសំរួលជាមួយអតិផរណា ប្រាក់ឈ្នួល/ចំណូលពិតប្រចាំខែមធ្យម ក្នុងឆ្នាំ២០១៦ កើន ៨ ភាគរយ ខ្ពស់ជាងឆ្នាំ២០១៥។
ជាមួយនឹងការប្រកាសខាងលើនេះ ILO ក៏បានប្រកាសថា ការងារនៅក្នុងវិស័យកាត់ដេរសំលៀកបំពាក់ និងស្បែកជើងកម្ពុជា មានការធ្លាក់ចុះ បើទោះបីជាការនាំចេញ ទទួលបានលទ្ធផលល្អក្តី។
ក្នុងសេចក្តីប្រកាស សម្រាប់ចេញផ្សាយភ្លាមៗ នាថ្ងៃទី២៩ ខែឧសភា ឆ្នាំ២០១៧ អង្គការអន្តរជាតិខាងការងារ ILO លើកឡើងថា ខណៈដែលការនាំចេញបន្តកើនឡើងក្នុងល្បឿនដ៏រឹងមាំមួយ ក្នុងឆ្នាំ២០១៦ ដោយមានការកើនឡើងចំនួន ៧,២ ភាគរយ ដល់ ៧,៣ ពាន់លានដុល្លារអាមេរិក តែចំនួននៃរោងចក្រនាំចេញ ដែលបានចុះបញ្ជីជាផ្លូវការ ក្នុងការវិស័យនេះ បានធ្លាក់ចុះចំនួន ១០,៤ ភាគរយ ហើយចំនួនកម្មករ បានធ្លាក់ចុះចំនយន ២,៩ ភាគរយ ក្នុងឆ្នាំ២០១៦ បើប្រៀបធៀបនឹងឆ្នាំ២០១៥។
អង្គការអន្តរជាតិខាងការងារ បានលើកយកកត្តាចម្បងបី ដែលអាចរួមចំណែកដល់ភាពខុសគ្នារវាងការនាំចេញ ដែលមានលក្ខណៈរឹងមាំល្អ និងការធ្លាក់ចុះចំនួនការងារ និងការបង្កើតសហគ្រាសថ្មី។ កត្តាទាំងនេះ រួមមាន៖ ទី១-ការកើនឡើងនូវផលិតភាព ( Productivity ) របស់ឧស្សាហកម្មនេះ ទី២-បញ្ហាផ្នែកស្ថិតិទាក់ទងនឹងការវាស់វែងចំនួនការងារ និងចំនួនរោងចក្រ ទី៣-កំណើនផលិតកម្មនៅក្នុងរោងចក្រម៉ៅការបន្ត ( Subcontracting factories )។
លោក ម៉ូរីហ្ស៊ីអូ ប៊ូស៊ី ( Maurizio Bussi ) នាយកការិយាល័យអង្គការអន្តរជាតិខាងការងារ ប្រចាំប្រទេសថៃ កម្ពុជា និងឡាវ បានមានប្រសាសន៍ថា “កំណើនការងារ និងផលិតកម្មនៅក្នុងរោងចក្រម៉ៅការបន្ត ( Subcontracting factories ) អាចជាការព្រួយបារម្ភមួយ ប្រសិនបើការម៉ៅការបន្តកំពុងត្រូវបានគេប្រើប្រាស់ជាវិធីមួយ ដើម្បីជៀសវាងច្បាប់ និងក្របខ័ណ្ឌគតិយុត្តិ រួមទាំងច្បាប់ការងារ និងប្រាក់ឈ្នួលអប្បបរមានេះ”។
សេចក្តីប្រកាសដដែល បង្ហាញថា មិនដូចជារោងចក្រនាំចេញ ដែលបានចុះបញ្ជីទេ អ្នកម៉ៅការបន្តមិនត្រូវបានត្រួតពិនិត្យតាមដានដោយកម្មវិធីរោងចក្រកាន់តែប្រសើរនៅកម្ពុជានោះទេ ហើយក៏អាចមានការយកចិត្តទុកដាក់ពីសំណាក់ស្ថាប័នអនុវត្តច្បាប់ជាតិ តិចជាងរោងចក្រធម្មតាដែរ។
ជាមួយនឹងការប្រកាសខាងលើនេះ ILO ក៏បានប្រកាសថា ការងារនៅក្នុងវិស័យកាត់ដេរសំលៀកបំពាក់ និងស្បែកជើងកម្ពុជា មានការធ្លាក់ចុះ បើទោះបីជាការនាំចេញ ទទួលបានលទ្ធផលល្អក្តី។
ក្នុងសេចក្តីប្រកាស សម្រាប់ចេញផ្សាយភ្លាមៗ នាថ្ងៃទី២៩ ខែឧសភា ឆ្នាំ២០១៧ អង្គការអន្តរជាតិខាងការងារ ILO លើកឡើងថា ខណៈដែលការនាំចេញបន្តកើនឡើងក្នុងល្បឿនដ៏រឹងមាំមួយ ក្នុងឆ្នាំ២០១៦ ដោយមានការកើនឡើងចំនួន ៧,២ ភាគរយ ដល់ ៧,៣ ពាន់លានដុល្លារអាមេរិក តែចំនួននៃរោងចក្រនាំចេញ ដែលបានចុះបញ្ជីជាផ្លូវការ ក្នុងការវិស័យនេះ បានធ្លាក់ចុះចំនួន ១០,៤ ភាគរយ ហើយចំនួនកម្មករ បានធ្លាក់ចុះចំនយន ២,៩ ភាគរយ ក្នុងឆ្នាំ២០១៦ បើប្រៀបធៀបនឹងឆ្នាំ២០១៥។
អង្គការអន្តរជាតិខាងការងារ បានលើកយកកត្តាចម្បងបី ដែលអាចរួមចំណែកដល់ភាពខុសគ្នារវាងការនាំចេញ ដែលមានលក្ខណៈរឹងមាំល្អ និងការធ្លាក់ចុះចំនួនការងារ និងការបង្កើតសហគ្រាសថ្មី។ កត្តាទាំងនេះ រួមមាន៖ ទី១-ការកើនឡើងនូវផលិតភាព ( Productivity ) របស់ឧស្សាហកម្មនេះ ទី២-បញ្ហាផ្នែកស្ថិតិទាក់ទងនឹងការវាស់វែងចំនួនការងារ និងចំនួនរោងចក្រ ទី៣-កំណើនផលិតកម្មនៅក្នុងរោងចក្រម៉ៅការបន្ត ( Subcontracting factories )។
លោក ម៉ូរីហ្ស៊ីអូ ប៊ូស៊ី ( Maurizio Bussi ) នាយកការិយាល័យអង្គការអន្តរជាតិខាងការងារ ប្រចាំប្រទេសថៃ កម្ពុជា និងឡាវ បានមានប្រសាសន៍ថា “កំណើនការងារ និងផលិតកម្មនៅក្នុងរោងចក្រម៉ៅការបន្ត ( Subcontracting factories ) អាចជាការព្រួយបារម្ភមួយ ប្រសិនបើការម៉ៅការបន្តកំពុងត្រូវបានគេប្រើប្រាស់ជាវិធីមួយ ដើម្បីជៀសវាងច្បាប់ និងក្របខ័ណ្ឌគតិយុត្តិ រួមទាំងច្បាប់ការងារ និងប្រាក់ឈ្នួលអប្បបរមានេះ”។
សេចក្តីប្រកាសដដែល បង្ហាញថា មិនដូចជារោងចក្រនាំចេញ ដែលបានចុះបញ្ជីទេ អ្នកម៉ៅការបន្តមិនត្រូវបានត្រួតពិនិត្យតាមដានដោយកម្មវិធីរោងចក្រកាន់តែប្រសើរនៅកម្ពុជានោះទេ ហើយក៏អាចមានការយកចិត្តទុកដាក់ពីសំណាក់ស្ថាប័នអនុវត្តច្បាប់ជាតិ តិចជាងរោងចក្រធម្មតាដែរ។
លោក ប៊ូស៊ី បានបញ្ជាក់ថា “ស្ថានភាពនេះ គួរត្រូវបានតាមដានដោយប្រុងប្រយ័ត្នីសំណាក់ភាគីពាក់ព័ន្ធ និងស្ថាប័នពាក់ព័ន្ធនៃរាជរដ្ឋាភិបាលកម្ពុជា”។
យ៉ាងណាក៏ដោយ អង្គការអន្តរជាតិខាងការងារ ILO បានលើកឡើងនូវនិន្នាការសំខាន់ៗផ្សេងទៀត អំពីការវិវឌ្ឍថ្មីៗ បំផុត នៅក្នុងវិស័យនេះ៖ សំលៀកបំពាក់ និងស្បែកជើង នៅតែជាផលិតផលនាំចេញដ៏សំខាន់បំផុតរបស់កម្ពុជា ដែលតំណាងឲ្យប្រមាណ ៧៨ភាគរយ នៃផលិតផលទំនិញនាំចេញសរុបរបស់ប្រទេសកម្ពុជា ក្នុងឆ្នាំ២០១៦។ សហភាពអឺរ៉ុប EU នៅតែជាគោលដៅទីផ្សារសំខាន់បំផុត សម្រាប់ការនាំចេញផលិតផលសំលៀកបំពាក់ និងស្បែកជើងរបស់កម្ពុជា ដោយសហរដ្ឋអាមេរិក ស្ថិតក្នុងលំដាប់លេខពីរ។ ការនាំចេញរបស់វិស័យនេះ ទៅកាន់ទីផ្សារសហភាពអឺរ៉ុប និងសហរដ្ឋអាមេរិករួមគ្នា តំណាងឲ្យប្រមាណតែ ៦៥ ភាគរយ ប៉ុណ្ណោះ ក្នុងឆ្នាំ២០១៦ ធ្លាក់ចុះពី ៧២ភាគរយ ក្នុងឆ្នាំ២០១៥ ប៉ុន្តែមានកំណើនចំណែកទីផ្សារនៅក្នុងប្រទេសផ្សេងទៀត ក្រៅពីសហរដ្ឋអាមេរិក និងសហភាពអឺរ៉ុប ជាពិសេសជប៉ុន និងកាណាដា៕
យ៉ាងណាក៏ដោយ អង្គការអន្តរជាតិខាងការងារ ILO បានលើកឡើងនូវនិន្នាការសំខាន់ៗផ្សេងទៀត អំពីការវិវឌ្ឍថ្មីៗ បំផុត នៅក្នុងវិស័យនេះ៖ សំលៀកបំពាក់ និងស្បែកជើង នៅតែជាផលិតផលនាំចេញដ៏សំខាន់បំផុតរបស់កម្ពុជា ដែលតំណាងឲ្យប្រមាណ ៧៨ភាគរយ នៃផលិតផលទំនិញនាំចេញសរុបរបស់ប្រទេសកម្ពុជា ក្នុងឆ្នាំ២០១៦។ សហភាពអឺរ៉ុប EU នៅតែជាគោលដៅទីផ្សារសំខាន់បំផុត សម្រាប់ការនាំចេញផលិតផលសំលៀកបំពាក់ និងស្បែកជើងរបស់កម្ពុជា ដោយសហរដ្ឋអាមេរិក ស្ថិតក្នុងលំដាប់លេខពីរ។ ការនាំចេញរបស់វិស័យនេះ ទៅកាន់ទីផ្សារសហភាពអឺរ៉ុប និងសហរដ្ឋអាមេរិករួមគ្នា តំណាងឲ្យប្រមាណតែ ៦៥ ភាគរយ ប៉ុណ្ណោះ ក្នុងឆ្នាំ២០១៦ ធ្លាក់ចុះពី ៧២ភាគរយ ក្នុងឆ្នាំ២០១៥ ប៉ុន្តែមានកំណើនចំណែកទីផ្សារនៅក្នុងប្រទេសផ្សេងទៀត ក្រៅពីសហរដ្ឋអាមេរិក និងសហភាពអឺរ៉ុប ជាពិសេសជប៉ុន និងកាណាដា៕
Post a Comment