ក្រសួងមហាផ្ទៃ ទទួលបណ្តឹងពីប្រជាពលរដ្ឋជាង ៧៤០០ នាក់ ដែលចាញ់បោកលុយ ៦០ លានដុល្លារ
[Enter Caption]
ថ្ងៃ អង្គារ ទី ៣០ ខែ ឧសភា ឆ្នាំ ២០១៧ ម៉ោង ១៤:៥២
ក្នុងសន្និសីទកាសែត នៅក្រសួងមហាផ្ទៃ នាព្រឹកថ្ងៃទី៣០ឧសភានេះ លោក ងី ច័ន្ទ្រផល រដ្ឋលេខាធិការក្រសួងមហាផ្ទៃ បានថ្លែងថា ក្រសួងមហាផ្ទៃ បានទទួលពាក្យបណ្តឹងធំៗចំនួន ៤ ពីតំណាងប្រជាពលរដ្ឋ ៧៤៣០ នាក់ ដែលមានទឹកប្រាក់សរុបប្រមាណ ៦០ លានដុល្លារ។ បណ្តឹងទាំងនោះ ត្រូវបានបង្វែរទៅកាន់តុលាការ ដើម្បីចាត់ការតាមច្បាប់។
ក្រុមហ៊ុន EBC និងអង្គការសមាគម ដែលមានមេក្លោងទាំង ៤នាក់នោះ បានបើកប្រតិបត្តិការពីរ៉ាមីត ដោយលួងលោមឲ្យប្រជាពលរដ្ឋ ដាក់វិនិយោគលុយ ដើម្បីទទួលបានការប្រាក់ ១០% ក្នុង ១ខែ ឬ ១២០% ក្នុង ១ឆ្នាំ។ ប៉ុន្តែនៅពេលមួយខែ ឬពីរខែដំបូង ក្រុមហ៊ុននោះ បានផ្តល់លុយការប្រាក់ដូចការសន្យា តែនៅពេលដាក់ទុនច្រើន ហើយមានអ្នកចូលរួមកាន់តែច្រើន គឺមេក្លោងក្រុមហ៊ុននោះ បានវេចលុយរត់បាត់។
លោក ងី ច័ន្ទ្រផល បានលើកឡើងថា ហេតុការណ៍ក្រុមហ៊ុនបោកប្រាស់ប្រជាពលរដ្ឋនោះ បានកើតឡើង ចាប់តាំងពីឆ្នាំ២០១៥ ហើយរដ្ឋាភិបាល ក៏បានផ្សព្វផ្សាយដែរ តែបែរជាកាលណោះ មានប្រជាពលរដ្ឋ ២៦នាក់ បានធ្វើញត្តិ កុំឲ្យរដ្ឋាភិបាល រំខានដល់ការរកស៊ីរបស់គេទៅវិញ។
ជាមួយគ្នានោះ លោកឧត្តមសេនីយ៍ឯក ឌី វិជ្ជា ប្រធាននាយកដ្ឋានកណ្តាលសន្តិសុខនៃក្រសួងមហាផ្ទៃ បានបង្ហាញអត្តសញ្ញាណមេក្លោង ៤នាក់ រួមមាន ជនជាតិម៉ាឡេស៊ី ម្នាក់ និងជនជាតិខ្មែរ ៣នាក់ ដែលបានឆបោកប្រាក់ប្រជាពលរដ្ឋខ្មែរ ៧៤៣០ នាក់ ក្នុងទំហំទឹកប្រាក់ប្រមាណ ៦០ លានដុល្លារអាមេរិក។ បុរសមេក្លោងទាំង ៤នាក់នោះ បានបោកប្រាស់លុយប្រជាពលរដ្ឋខ្មែរ តាមរយៈក្រុមហ៊ុនឯកជន ដែលទទួលប្រាក់បញ្ញើពីប្រជាពលរដ្ឋ ហើយប្រជាពលរដ្ឋ ទទួលបានការប្រាក់ ១០% ក្នុង ១ខែ។
ជនសង្ស័យជាមេក្លោងទាំង ៤នាក់នោះ ត្រូវបានលោកឧត្តមសេនីយ៍ឯក ឌី វិជ្ជា លើកឡើងថា ទី១-ឈ្មោះ Tan Tze Chin ហៅ Sean Tan ជាជនជាតិម៉ាឡេស៊ី ប្រធានក្រុមហ៊ុន EBC។ ទី២-ឈ្មោះ ឡុង សម្បត្តិ ជាប្រធានទីផ្សារ របស់ក្រុមហ៊ុន EBC មានអសយដ្ឋាន ក្នុងរាជធានីភ្នំពេញ។ ទី៣-ឈ្មោះ ជីហ្គោ សាលី ជាប្រធានសមាគមអ្នកប្រឹក្សាយោបល់ផ្នែកវិនិយោគ មានអសយដ្ឋាននៅភ្នំពេញ និងទី៤-ឈ្មោះ ហួត សុវណ្ណ ប្រធានអង្គការមូលនិធិអភិវឌ្ឍន៍អាស៊ីអាគ្នេយ៍ មានអសយដ្ឋាននៅភ្នំពេញ។ បុរសទាំង ៤នាក់ កំពុងរត់គេចខ្លួន ហើយមានដីកាពីតុលាការ បញ្ជាឲ្យចូលខ្លួន។
យ៉ាងណាក៏ដោយ លោក កើត រិទ្ធ រដ្ឋលេខាធិការក្រសួងយុត្តិធម៌ បានថ្លែងក្នុងសន្និសីទកាសែតថា កាលពីដំបូងឡើយ មិនមានប្រជាពលរដ្ឋប្តឹង ដូច្នេះទើបរដ្ឋាភិបាល មិនមានចំណាត់ការលើក្រុមហ៊ុន ដែលបោកប្រាស់ប្រជាពលរដ្ឋនោះ។ ពោលគឺទាល់តែមានប្រជាពលរដ្ឋប្តឹង ទើបរដ្ឋាភិបាល ចាត់ការ ដូចពេលនេះ។
លោក កើត រិទ្ធ បន្តថា ក្រៅពីស្វែងរកចាប់ខ្លួនមេក្លោងទាំង ៤នាក់ អាជ្ញាធរសមត្ថកិច្ចបានចាប់ខ្លួនអ្នកតំណាងក្រុមហ៊ុននៅជើងក្រោមបានមួយចំនួន នៅខេត្តសៀមរាប និងនៅខេត្តតាកែវ ហើយបញ្ជូនទៅកាត់ទោសតាមច្បាប់។ តែមេក្លោងមួយចំនួន នៅក្នុងស្រុក និងខ្លះបានចេញទៅក្រៅប្រទេស ហើយអាចជាប់ពាក់ព័ន្ធនឹងករណីបោកប្រាស់ដូចគ្នានេះ នៅប្រទេសដទៃផ្សេងទៀត ដូចជា នៅប្រទេសឡាវ ជាដើម។
រីឯលោកស្រី ងួន សុខា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានថ្លែងថា ក្រុមហ៊ុន EBC ដែលបោកប្រាស់ប្រជាពលរដ្ឋនោះ មិនបានចុះអាជ្ញាប័ណ្ណអ្វីទេ ព្រោះគេធ្វើសកម្មភាពក្នុងនាមជាអង្គការ ឬសមាគម។ ករណីនេះ ប្រៀបដូចជាមេតុងទីន គឺនៅពេលលេងតុងទីន រដ្ឋាភិបាល មិនបានហាមឃាត់ ហើយក៏មិនអាចចាប់មេតុងទីនបានទេ តែបើនៅពេលមេតុងទីននោះ បោកប្រាស់ រត់បាត់ ហើយបើមានបណ្តឹង នោះទើបរដ្ឋាភិបាលចាត់វិធានការ។
យ៉ាងណាក៏ដោយ លោក ងី ច័ន្ទ្រផល រដ្ឋលេខាធិការក្រសួងមហាផ្ទៃ បានបន្ថែមថា ទំហំនៃការបោកប្រាស់ តាមរយៈការផ្តល់ការប្រាក់ថ្លៃ រហូតដល់ ១០% ក្នុង ១ខែនោះ អាចមានប្រជាពលរដ្ឋ មិនតិចជាង ៥ម៉ឺននាក់នោះទេ ហើយទំហំទឹកប្រាក់ អាចមានរាប់រយលានដុល្លារ។ ក្នុងនោះ ជាមធ្យម ប្រជាពលរដ្ឋម្នាក់ អាចចាញ់បោកដល់ទៅ ៨០០០ ដុល្លារ ហើយបើតាមការសាកសួរ មានអ្នកខ្លះ ចាញ់បោករហូតដល់ជាង ១០ម៉ឺនដុល្លារ ផងដែរ។
ជាមួយគ្នានោះ លោក កើត រិទ្ធ រដ្ឋលេខាធិការក្រសួងយុត្តិធម៌ បានគូសបញ្ជាក់ថា នៅពេលនេះ វិធានការរបស់អាជ្ញាធរសមត្ថកិច្ចក្នុងការជួយដល់ប្រជាពលរដ្ឋអ្នកចាញ់បោកក្រុមហ៊ុនទាំងនោះ គឺទី១-អាជ្ញាធរសមត្ថកិច្ចនឹងបន្តតាមចាប់មេក្លោង យកមកផ្តន្ទាទោស ទី២-ជួយឲ្យប្រជាពលរដ្ឋ ទទួលបានលុយមកវិញខ្លះ និងទី៣-ផ្សព្វផ្សាយឲ្យប្រជាពលរដ្ឋដទៃទៀត កុំចាញ់បោកតទៅទៀត ព្រោះថា ការបោកប្រាស់នោះ អាចប្តូររូបភាពជាច្រើនទៀត ដូចជា ការបង្ហាញគម្រោងអភិវឌ្ឍន៍នៅដីសម្បទាន ឬក៏ចងការប្រាក់រាប់ថ្ងៃ ដោយ ១០០០ ដុល្លារ ទទួលបានការប្រាក់ ៥០ដុល្លារ ជាដើម៕
ក្រុមហ៊ុន EBC និងអង្គការសមាគម ដែលមានមេក្លោងទាំង ៤នាក់នោះ បានបើកប្រតិបត្តិការពីរ៉ាមីត ដោយលួងលោមឲ្យប្រជាពលរដ្ឋ ដាក់វិនិយោគលុយ ដើម្បីទទួលបានការប្រាក់ ១០% ក្នុង ១ខែ ឬ ១២០% ក្នុង ១ឆ្នាំ។ ប៉ុន្តែនៅពេលមួយខែ ឬពីរខែដំបូង ក្រុមហ៊ុននោះ បានផ្តល់លុយការប្រាក់ដូចការសន្យា តែនៅពេលដាក់ទុនច្រើន ហើយមានអ្នកចូលរួមកាន់តែច្រើន គឺមេក្លោងក្រុមហ៊ុននោះ បានវេចលុយរត់បាត់។
លោក ងី ច័ន្ទ្រផល បានលើកឡើងថា ហេតុការណ៍ក្រុមហ៊ុនបោកប្រាស់ប្រជាពលរដ្ឋនោះ បានកើតឡើង ចាប់តាំងពីឆ្នាំ២០១៥ ហើយរដ្ឋាភិបាល ក៏បានផ្សព្វផ្សាយដែរ តែបែរជាកាលណោះ មានប្រជាពលរដ្ឋ ២៦នាក់ បានធ្វើញត្តិ កុំឲ្យរដ្ឋាភិបាល រំខានដល់ការរកស៊ីរបស់គេទៅវិញ។
ជាមួយគ្នានោះ លោកឧត្តមសេនីយ៍ឯក ឌី វិជ្ជា ប្រធាននាយកដ្ឋានកណ្តាលសន្តិសុខនៃក្រសួងមហាផ្ទៃ បានបង្ហាញអត្តសញ្ញាណមេក្លោង ៤នាក់ រួមមាន ជនជាតិម៉ាឡេស៊ី ម្នាក់ និងជនជាតិខ្មែរ ៣នាក់ ដែលបានឆបោកប្រាក់ប្រជាពលរដ្ឋខ្មែរ ៧៤៣០ នាក់ ក្នុងទំហំទឹកប្រាក់ប្រមាណ ៦០ លានដុល្លារអាមេរិក។ បុរសមេក្លោងទាំង ៤នាក់នោះ បានបោកប្រាស់លុយប្រជាពលរដ្ឋខ្មែរ តាមរយៈក្រុមហ៊ុនឯកជន ដែលទទួលប្រាក់បញ្ញើពីប្រជាពលរដ្ឋ ហើយប្រជាពលរដ្ឋ ទទួលបានការប្រាក់ ១០% ក្នុង ១ខែ។
ជនសង្ស័យជាមេក្លោងទាំង ៤នាក់នោះ ត្រូវបានលោកឧត្តមសេនីយ៍ឯក ឌី វិជ្ជា លើកឡើងថា ទី១-ឈ្មោះ Tan Tze Chin ហៅ Sean Tan ជាជនជាតិម៉ាឡេស៊ី ប្រធានក្រុមហ៊ុន EBC។ ទី២-ឈ្មោះ ឡុង សម្បត្តិ ជាប្រធានទីផ្សារ របស់ក្រុមហ៊ុន EBC មានអសយដ្ឋាន ក្នុងរាជធានីភ្នំពេញ។ ទី៣-ឈ្មោះ ជីហ្គោ សាលី ជាប្រធានសមាគមអ្នកប្រឹក្សាយោបល់ផ្នែកវិនិយោគ មានអសយដ្ឋាននៅភ្នំពេញ និងទី៤-ឈ្មោះ ហួត សុវណ្ណ ប្រធានអង្គការមូលនិធិអភិវឌ្ឍន៍អាស៊ីអាគ្នេយ៍ មានអសយដ្ឋាននៅភ្នំពេញ។ បុរសទាំង ៤នាក់ កំពុងរត់គេចខ្លួន ហើយមានដីកាពីតុលាការ បញ្ជាឲ្យចូលខ្លួន។
យ៉ាងណាក៏ដោយ លោក កើត រិទ្ធ រដ្ឋលេខាធិការក្រសួងយុត្តិធម៌ បានថ្លែងក្នុងសន្និសីទកាសែតថា កាលពីដំបូងឡើយ មិនមានប្រជាពលរដ្ឋប្តឹង ដូច្នេះទើបរដ្ឋាភិបាល មិនមានចំណាត់ការលើក្រុមហ៊ុន ដែលបោកប្រាស់ប្រជាពលរដ្ឋនោះ។ ពោលគឺទាល់តែមានប្រជាពលរដ្ឋប្តឹង ទើបរដ្ឋាភិបាល ចាត់ការ ដូចពេលនេះ។
លោក កើត រិទ្ធ បន្តថា ក្រៅពីស្វែងរកចាប់ខ្លួនមេក្លោងទាំង ៤នាក់ អាជ្ញាធរសមត្ថកិច្ចបានចាប់ខ្លួនអ្នកតំណាងក្រុមហ៊ុននៅជើងក្រោមបានមួយចំនួន នៅខេត្តសៀមរាប និងនៅខេត្តតាកែវ ហើយបញ្ជូនទៅកាត់ទោសតាមច្បាប់។ តែមេក្លោងមួយចំនួន នៅក្នុងស្រុក និងខ្លះបានចេញទៅក្រៅប្រទេស ហើយអាចជាប់ពាក់ព័ន្ធនឹងករណីបោកប្រាស់ដូចគ្នានេះ នៅប្រទេសដទៃផ្សេងទៀត ដូចជា នៅប្រទេសឡាវ ជាដើម។
រីឯលោកស្រី ងួន សុខា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានថ្លែងថា ក្រុមហ៊ុន EBC ដែលបោកប្រាស់ប្រជាពលរដ្ឋនោះ មិនបានចុះអាជ្ញាប័ណ្ណអ្វីទេ ព្រោះគេធ្វើសកម្មភាពក្នុងនាមជាអង្គការ ឬសមាគម។ ករណីនេះ ប្រៀបដូចជាមេតុងទីន គឺនៅពេលលេងតុងទីន រដ្ឋាភិបាល មិនបានហាមឃាត់ ហើយក៏មិនអាចចាប់មេតុងទីនបានទេ តែបើនៅពេលមេតុងទីននោះ បោកប្រាស់ រត់បាត់ ហើយបើមានបណ្តឹង នោះទើបរដ្ឋាភិបាលចាត់វិធានការ។
យ៉ាងណាក៏ដោយ លោក ងី ច័ន្ទ្រផល រដ្ឋលេខាធិការក្រសួងមហាផ្ទៃ បានបន្ថែមថា ទំហំនៃការបោកប្រាស់ តាមរយៈការផ្តល់ការប្រាក់ថ្លៃ រហូតដល់ ១០% ក្នុង ១ខែនោះ អាចមានប្រជាពលរដ្ឋ មិនតិចជាង ៥ម៉ឺននាក់នោះទេ ហើយទំហំទឹកប្រាក់ អាចមានរាប់រយលានដុល្លារ។ ក្នុងនោះ ជាមធ្យម ប្រជាពលរដ្ឋម្នាក់ អាចចាញ់បោកដល់ទៅ ៨០០០ ដុល្លារ ហើយបើតាមការសាកសួរ មានអ្នកខ្លះ ចាញ់បោករហូតដល់ជាង ១០ម៉ឺនដុល្លារ ផងដែរ។
ជាមួយគ្នានោះ លោក កើត រិទ្ធ រដ្ឋលេខាធិការក្រសួងយុត្តិធម៌ បានគូសបញ្ជាក់ថា នៅពេលនេះ វិធានការរបស់អាជ្ញាធរសមត្ថកិច្ចក្នុងការជួយដល់ប្រជាពលរដ្ឋអ្នកចាញ់បោកក្រុមហ៊ុនទាំងនោះ គឺទី១-អាជ្ញាធរសមត្ថកិច្ចនឹងបន្តតាមចាប់មេក្លោង យកមកផ្តន្ទាទោស ទី២-ជួយឲ្យប្រជាពលរដ្ឋ ទទួលបានលុយមកវិញខ្លះ និងទី៣-ផ្សព្វផ្សាយឲ្យប្រជាពលរដ្ឋដទៃទៀត កុំចាញ់បោកតទៅទៀត ព្រោះថា ការបោកប្រាស់នោះ អាចប្តូររូបភាពជាច្រើនទៀត ដូចជា ការបង្ហាញគម្រោងអភិវឌ្ឍន៍នៅដីសម្បទាន ឬក៏ចងការប្រាក់រាប់ថ្ងៃ ដោយ ១០០០ ដុល្លារ ទទួលបានការប្រាក់ ៥០ដុល្លារ ជាដើម៕
Post a Comment