តារាចម្រៀង ប៊ូ ស៊ីណា ដង្ហោយរកជំនួយដើម្បីព្យាបាលជំងឺមហារីកសុដន់
ថ្ងៃ អង្គារ ទី ៣០ ខែ ឧសភា ឆ្នាំ ២០១៧ ម៉ោង ០៩:១៤
(ភ្នំពេញ)៖ តារាចម្រៀង ប៊ូ ស៊ីណា ដែលកំពុងជួបទុក្ខធំ ព្រោះកើត ជំងឺមហារីកសុដន់ និងខ្វះខាតថវិកា ដើម្បីយកទៅព្យាបាលជំងឺ នៅឯខេត្ត សុរិន្ទ ប្រទេសថៃនោះ ឥឡូវត្រូវបាន មិត្តសិល្បៈដូចគ្នា លោក សន វិជ្ជបុត្រ អំពាវនាវបន្ថែមទៀតក្នុងន័យស្វែងរក ជំនួយជាបន្តបន្ទាប់ ក្រោមហេតុផលជំងឺដ៏កាចសាហាវ មួយនេះ ត្រូវការការ ព្យាបាល ចំណាយថវិកាច្រើន ស្រប ពេលដែលតារាចម្រៀងរូបនេះមិនមាន លទ្ធភាពសម្រាប់ព្យាបាល។
ដោយមើលឃើញពីភាព ខ្វះខាតបែបនេះហើយ ទើបតារា ចម្រៀង លោក សន វិជ្ជបុត្រ បានចេញ មុខស្វែងរកជំនួយពីបងប្អូនសប្បុរស ធម៌ទាំងក្នុងស្រុក និងក្រៅស្រុក ដើម្បីបានថវិកាសម្រាប់ផ្គត់ផ្គង់ គ្រាដែល អ្នកនាងធ្លាក់ខ្លួនដេកឈឺ មិនអាចប្រកប ការងារបាន។ ក្នុងនេះជំនួយដែលទទួលបានមានបងប្អូន ខ្មែររស់នៅ ប្រទេស មានអាមេរិក និងប្រទេស អូស្ត្រាលី បងប្អូនខ្មែរដែលរស់នៅ ប្រទេសក្រៅទាំងនោះ តែងតែមើល ឃើញពីទុក្ខលំបាករបស់សិល្បករ-សិល្បការិនីដែលមានជីវភាពខ្វះខាតនិងមិនមានលទ្ធភាព ព្យាបាលជំងឺជាដើម។
សូមរំលឹកថា អ្នកនាង ប៊ូ ស៊ីណា មានវ័យ៣៩ឆ្នាំ ដែលជាអ្នកខេត្ត កំពង់ចាម និងបានចាប់អាជីពជាអ្នក ចម្រៀងតាំងពីឆ្នាំ២០០៣មកហើយ កំពុងតែរងនូវសភាពជំងឺកាចសាហាវ មួយនេះ។ រៀបរាប់ទាំង ក្តុកក្តួល អ្នក នាងបាននិយាយថា អ្នកនាងបានចូល ប្រឡងចម្រៀងនៅក្នុងកម្មវិធីមួយអំឡុង ឆ្នាំ២០០០ របស់ស្ថានីយទូរទស្សន៍ បាយ័ន កាលនៅក្រុងតាខ្មៅជាប់លេខ៥ ទូទាំងប្រទេស។
ក្រោយមកនៅឆ្នាំ២០០៣ ទើប សម្រេចចិត្តចូលច្រៀងតាមរយៈកម្មវិធី មង្គលការនានា និងតាមបៀហ្គាឌិន រង្គសាលមួយចំនួន ដោយមិនបាន បង្ហាញវត្តមាននៅតាមប៉ុស្តិ៍ទូរទស្សន៍ ច្រើនឡើយ។ រយៈពេលកន្លងមក អ្នកនាងមិនធ្លាប់ឈឺធ្ងន់អីទេ តែទើបតែ កាលពីជាង២០ថ្ងៃមុន អ្នកនាងចេះតែខំធ្វើការផ្ទះបោកគក់ខោអាវ លើកនេះ លើកនោះ តែចេះចុកចាប់ត្រង់គល់ សុដន់រួចមកឡើងចេញពណ៌ក្រហមរលោង អត់ឈប់ចុកទៅៗ ទ្រាំមិនបាន ឡើយក៏ទៅពេទ្យនៅប្រទេសថៃ ពេទ្យ សុរិន្ទបានបង្ហាញថា ជាជំងឺកាចសាហាវ ប្រញាប់វះកាត់ឱ្យបានមុន១៤ថ្ងៃ មិន ហួសពេលអាចជួយបាន៦០ទៅ៧០ ភាគរយ ហើយវះរួចមួយខែមក តាមដានពេទ្យបណ្តើរ។ អ្នកនាងគ្មាន លុយនោះទេកុំតែបាន លោកសន វិជ្ជបុត្រ និងកញ្ញាអេណាជួយអំពាវនាវ រកអ្នកចិត្តធម៌ជួយកុំអីមានតែតាម ព្រហ្មលិខិត ព្រោះមុននេះអ្នកស្រីបាន ដាក់ប្លង់ដីភូមិនៅស្រុកកំណើតកំពង់ចាម បានតម្លៃ១.៥០០ដុល្លារ គេយកការក្នុង ១០០ដុល្លារការ១០ដុល្លារ។ ចាយទៅ ចាយមកថ្លៃព្យាបាលអស់ឡើងមិនចេះ តិចរហូតពេលនេះសល់តែជាង២០០ ដុល្លារប៉ុណ្ណោះ ដោយដូចគុណបុណ្យ ជួយសប្បុរសជនទាំងអ្នកនៅអូស្ត្រាលី និងភ្នំពេញជួយបានជាង៤ពាន់ដុល្លារ ដែលអ្នកស្រីពិតជាត្រេកអរនៅពេល បានសោហ៊ុយទៅវះកាត់បន្តទៀត សូម ថ្លែងអំណរគុណអ្នកចិត្តបុណ្យទាំងឡាយ។
នាឱកាសនោះ ចុះទៅសួរសុខ ទុក្ខដោយផ្ទាល់ដល់ផ្ទះជួលរបស់អ្នក ជំងឺក្បែរសណ្ឋាគារសុខាភ្នំពេញ ជ្រោយចង្វា ដែលរៀបចំដោយលោក សន វិជ្ជបុត្រ កញ្ញាតារាសម្តែង យ៉ាយ៉ាឃ្វីន កញ្ញាអេណា តារាចម្រៀង ក្នុងផលិតកម្មអឹម អ្នកនាងចន ច័ន្ទ លក្ខិណា បានផ្ញើថវិកា៥០ដុល្លារ និង ឧកញ៉ា ធី ឫទ្ធសី ដែលឃើញតាមការ ផ្សព្វផ្សាយបានឆ្លៀតពេលចុះទៅផ្ទាល់ យកអំណោយថវិកាជូនដល់ដៃអ្នកជំងឺ សរុបជាថវិកាបានចំនួន៤.៣២៨ដុល្លារ អាមេរិក ៕
Post a Comment