តួលេខនាំចេញផលនេសាទ ៤ខែដើមឆ្នាំ២០១៧...
ថ្ងៃ អង្គារ ទី ២៨ ខែ ឧសភា ឆ្នាំ ២០១៧ ម៉ោង ១០:២២
និយាយរឿងផលនេសាទ ជាពិសេស ត្រី កម្ពុជាថ្វីត្បិតជាប្រទេសជង្រុកត្រីក៏ពិតមែន ប៉ុន្តែ ការនាំត្រីចេញទៅក្រៅប្រទេសហាក់នៅទាបនៅឡើយ ហើយនាំចេញច្រើនតែផលនេសាទមិនទាន់កែច្នៃ។
គិតត្រឹមខែមករា ដល់ខែមេសា ឆ្នាំ២០១៧នេះ កម្ពុជានាំចេញផលនេសាទស្រស់ដែលមិនទាន់កែច្នៃ ពិសេសត្រី ទៅកាន់ទីផ្សារក្រៅប្រទេស មានចំនួនប្រមាណ ៣ពាន់ ៣៨០តោន ពោលថយចុះ ៣០តោន បើប្រៀបធៀបទៅនឹងរយៈពេលដូចគ្នាកាលពីឆ្នាំ២០១៦។
បើនិយាយពីផលនេសាទកែច្នៃរួច កម្ពុជាបាននាំចេញទៅទីផ្សារអន្តរជាតិមានចំនួនតែ ៥០០តោនប៉ុណ្ណោះក្នុងរយៈពេល៤ខែឆ្នាំនេះ គឺបានថយចុះ ១៨០តោន ធៀបនឹងរយៈពេលដូចគ្នាកាលពីឆ្នាំមុន។ នេះបើតាមរបាយការណ៍ពីក្រសួងកសិកម្មកម្ពុជា។
របាយការណ៍បង្ហាញថា អាជីវកម្មនេសាទទឹកសាប នេសាទគ្រួសារក្នុងដែននេសាទក្នុងរយៈពេល៤ខែ បានទិន្នផលចំនួនជាង ៩ម៉ឺនតោន នេសាទគ្រួសារតាមវាលស្រែចំនួន២ម៉ឺន៣ពាន់តោន និងការធ្វើនេសាទសមុទ្រសម្រេចបានជាង ៣ម៉ឺន ៤ពាន់ ៤២៥តោន។
ជាមួយគ្នានេះ ផលនេសាទទឹកសាបកែច្នៃសម្រេចបាន ២ម៉ឺនតោន ផលនេសាទសមុទ្រកែច្នៃជាង ៣ពាន់តោន និងការផលិតទឹកត្រីសម្រេចបានជាង ១៧លានលីត្រ។
សូមបញ្ជាក់ថា កាលពីឆ្នាំ២០១៦ កម្ពុជាបាននាំចេញផលិតផលនេសាទ សម្រេចបានសម្រាប់ផលនេសាទស្រស់ មានចំនួនជាង ៩ពាន់តោន និងផលនេសាទកែច្នៃសម្រេចបានជាង ៥ពាន់តោន៕
គិតត្រឹមខែមករា ដល់ខែមេសា ឆ្នាំ២០១៧នេះ កម្ពុជានាំចេញផលនេសាទស្រស់ដែលមិនទាន់កែច្នៃ ពិសេសត្រី ទៅកាន់ទីផ្សារក្រៅប្រទេស មានចំនួនប្រមាណ ៣ពាន់ ៣៨០តោន ពោលថយចុះ ៣០តោន បើប្រៀបធៀបទៅនឹងរយៈពេលដូចគ្នាកាលពីឆ្នាំ២០១៦។
បើនិយាយពីផលនេសាទកែច្នៃរួច កម្ពុជាបាននាំចេញទៅទីផ្សារអន្តរជាតិមានចំនួនតែ ៥០០តោនប៉ុណ្ណោះក្នុងរយៈពេល៤ខែឆ្នាំនេះ គឺបានថយចុះ ១៨០តោន ធៀបនឹងរយៈពេលដូចគ្នាកាលពីឆ្នាំមុន។ នេះបើតាមរបាយការណ៍ពីក្រសួងកសិកម្មកម្ពុជា។
របាយការណ៍បង្ហាញថា អាជីវកម្មនេសាទទឹកសាប នេសាទគ្រួសារក្នុងដែននេសាទក្នុងរយៈពេល៤ខែ បានទិន្នផលចំនួនជាង ៩ម៉ឺនតោន នេសាទគ្រួសារតាមវាលស្រែចំនួន២ម៉ឺន៣ពាន់តោន និងការធ្វើនេសាទសមុទ្រសម្រេចបានជាង ៣ម៉ឺន ៤ពាន់ ៤២៥តោន។
ជាមួយគ្នានេះ ផលនេសាទទឹកសាបកែច្នៃសម្រេចបាន ២ម៉ឺនតោន ផលនេសាទសមុទ្រកែច្នៃជាង ៣ពាន់តោន និងការផលិតទឹកត្រីសម្រេចបានជាង ១៧លានលីត្រ។
សូមបញ្ជាក់ថា កាលពីឆ្នាំ២០១៦ កម្ពុជាបាននាំចេញផលិតផលនេសាទ សម្រេចបានសម្រាប់ផលនេសាទស្រស់ មានចំនួនជាង ៩ពាន់តោន និងផលនេសាទកែច្នៃសម្រេចបានជាង ៥ពាន់តោន៕
Post a Comment